O Grupo Municipal Socialista de Noia vén de solicitar ao Goberno local a eliminación dun vertido de augas fecais no lugar de Orro que, segundo explica o PSdG-PSOE, atópase moi preto das vivendas.
“Ante o evidente risco para a saúde e a proliferación de mosquitos ou ratas no lugar do vertido de augas fecais próximo ás casas, vimos de solicitar que se elimine completamente e que se arranxen as canalizacións polas que deben discorrer as augas pluviais”, engaden os socialistas, informando de que a petición baséase nun aviso da veciñanza da lugar, que fan saber que en época de seca o cheiro chega a ser difícil de aturar, e que nos días de chuvia abundante “é frecuente que a canle pola que discorre a auga desborde anegando as leiras próximas”.
O voceiro do grupo municipal socialista, Roberto Iglesias, considera que “este tipo de actuacións deben ser unha prioridade dende o Concello e teñen que acometerse o antes posíbel”.
