O PSOE de Noia pide o arranxo de urxencia dos bancos deteriorados da Alameda

22 Outubro 2020

O Grupo Municipal Socialista de Noia solicitou ao equipo de Goberno local, na Comisión de Protección do Casco Histórico celebrada este xoves 22 de outubro, que proceda á reparación dos bancos ornamentais emprazados na Alameda da localidade, incluídos, lembra a agrupación, no Plan de Protección e Reforma do Casco Histórico.

O rogo, achegado polo voceiro do PSdG-PSOE, Roberto Iglesias, ten precedentes noutras peticións análogas emitidas polo grupo socialista, que, segundo recordou, xa lle trasladou en varias ocasións ao Goberno local a súa preocupación polo “mal estado no que se atopa o dito mobiliario urbano”.

Os socialistas sosteñen que “actualmente o deterioro é evidente, faltándolles a varios dos bancos os elementos de soporte, algúns dos cales teñen 140 anos de antigüidade, datando de 1880”. Roberto Iglesias incidiu en que “se debe proceder ao seu arranxo antes de que se produza un dano sen remedio, senón o hai neste momento”

Os socialistas agardan que “se realicen as reparacións o antes posíbel”, en caso contrario solicitarán que se inclúa unha partida para os vindeiros orzamentos.

Outros artigos

O Noia Portus Apostoli, tricampión da Copa Galicia de fútbol sala

Tricampión de Galicia. O Noia Portus Apostoli volveu coroarse este 17 de maio, Día das Letras, como o auténtico rei de Galicia tras proclamarse campión da Copa Galicia por terceiro ano consecutivo. O bloque noiés, o noso único representante na máxima categoría do...

+

Aviso en Noia dunha posíbel contaminación da auga para consumo

O Concello de Noia emitiu un comunicado no que advirte á veciñanza dun episodio de posíbel contaminación da auga para consumo doméstico que faría necesario, até novo aviso, o uso de recursos alternativos para que as familias se abastezan. Ao parecer, o episodio tería...

+

Publicidade

Revista en papel

Opinión

“No cárcere” – Xulio Xiz

“No cárcere” – Xulio Xiz

Como membro dunha sociedade democrática, con poderes básicos, forzas executoras, leis que marcan reglas de xogo, presunta igualdade de oportunidades e plena integración en Europa, calquera de nós corre perigo de pechar os ollos e coidar que vive nun mundo camiño da...