O Concello de Boiro renova o equipamento da ETAP para mellorar a calidade da auga

20 Outubro 2020

O Concello de Boiro anunciou este 20 de outubro que vai realizar un “importante traballo de renovación” nos equipamentos da Estación de Tratamento de Auga Potable (ETAP). O obxectivo é “garantir a mellor calidade de auga e realizar unha xestión eficaz do subministro”. Logo desta actuación, o Concello explica que a infraestrutura quedará “totalmente renovada” cun sistema para garantir a máxima calidade e seguridade alimentaria.

As obras de posta punto, que están xa en execución, céntranse en tres aspectos. O primeiro deles é a renovación do sistema de impulsión co fornecemento de 6 equipos que van permitir “unha presión axeitada do subministro de auga”. Con esta actuación vaise traballar tamén para anovar a totalidade do sistema de canalización, eliminando a actual de aceiro por un de PP-R que “cumpre coas garantías de auga para consumo de máxima calidade e seguridade alimentaria durante máis de 50 anos”, explicou o Concello, engadindo que “para completar as actuacións de impulsión e canalización” vaise habilitar un sistema de xestión que permitirá detectar “coa máxima rapidez e eficacia calquera incidencia ou anomalía entre a auga que se acumula e a que se consume, para detectar fugas ou problemas na rede e darlle resposta máis rápido.

Aínda que está previsto que as obras se realicen nas horas de menor consumo, o Concello advirte da posibilidade de que se produzan pequenas incidencias na rede durante o proceso. “Con estes traballos de renovación que se realizan nestes días na ETAP, Boiro contará cun sistema de auga potábel mediante o que se cumpren as máis estritas directrices europeas de calidade e seguridade alimentaria da auga para o consumo”, conclúen fontes do Concello.

Outros artigos

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...