O BNG vén de rexistrar unha iniciativa no Congreso dos Deputados en forma de pregunta na que interpela ao Goberno do Estado en relación á actuación por parte de Costas denominada Adecuación da fachada marítima de Noia’. O deputado Néstor Rego salientou na súa interpelación o feito de que o proxecto técnico “non incluíse a existencia no subsolo de toda unha serie de servizos básicos”, o que provocou a suspensión temporal e o atraso na execución da obra, así como
que a consecuencia disto “o Concello tivo que facerse cargo dunha importante parte do sobrecuste”.
Ademais, para os nacionalistas, o proxecto que se está levando a cabo “elimina gran parte da propia fachada histórica que se pretende adecuar”, xa que diversos elementos patrimoniais, recollidos e protexidos polo Plan Especial de Protección e Reforma Interior do Casco Histórico de Noia e que
“deberían ser postos en valor”, son eliminados. O deputado sinala tamén non se entende o proxecto relativo á ponte de Noia, “un elemento que constitúe una peza importante na silueta e imaxe urbana xeral do casco histórico”, e que, en virtude dos traballos previstos, perderá boa parte da súa faciana visíbel.
Por estes motivos, Rego pregúntalle ao goberno se Costas pensa revisar as consecuencias do proxecto, se tivo en conta no proxecto o Plan Especial de Protección e Reforma Interior do Casco Histórico de Noia, e se se fará cargo dos custos das novas actuacións derivadas da reforma do proxecto así coma do reembolso das actuacións xa costeadas por parte do Concello noiés.
