Noia exaltou a calidade do seu berberecho cun showcooking a oito mans

Este xoves 15 de outubro, baixo as máis estritas medidas de seguridade anti-COVID, celebráronse as V Xornadas de Exaltación do Berberecho de Noia, unha nova edición dos encontros destinados a reivindicar a calidade (e as posibilidades gastronómicas) do bivalvo local. No evento participaron o alcalde de Noia, Santiago Freire Abeijón, a concelleira Laura Salgado García e o concelleiro José Pérez Martínez.

Asemade, contouse coa coa presenza de catro expertas gastronómicas no ámbito dos nosos produtos do mar: as chefs Lucía Freitas (Restaurante A Tafona de Santiago), María Varela (Restaurante A Parada das Bestas de Palas de Rei), Yolanda León (Restaurante Cocinandos de León) e Iria Espinosa (Restaurante Árbore da Veira da Coruña), que deleitaron aos asistentes con saborosas e innovadoras receitas. A cita, que veu programa reducido que contou cun único showcooking colectivo, desenvolveuse pola tarde na sala de exposicións do Coliseo de Noia.