Na rúa o número 14 de “O Barbanza”

O número de outubro da edición impresa de O Barbanza aborda a situación  do comercio local da nosa comarca e a  necesidade da súa transformación. A publicación pasa revista  ás  novas máis destacadas dos  concellos da comarca e a potenciación da  súa economía. As  reportaxes complétanse con contidos sobre os malos tratos e a  fronte común contra a violencia de  xénero.

As Letras  Galegas, aprazadas en maio pola pandemia, e a entrevista a Santiago Llovo  sobre a obra que recolle o pasado de salgadura no Son, son outros dos contidos que recolle o número 14 da nosa revista mensual que cunha tirada de 7.000 exemplares é repartido de balde nos concellos do Barbanza.  Pódese  amais descargar de balde  na  nosa web  “obarbanza.gal”, na que a diario mantemos o xornal de información comarcal que supera xa os 30.000 usuarios /únicos, un éxito que ten continuidade tamén nas nosas redes sociais.