Lousame pon a disposición da veciñanza os convites para asistir esta fin de semana a “Complexo de Edipo” e “Go on!”

07 Outubro 2020

A Casa da Cultura de Lousame acollerá esta fin de semana dúas novas actuacións incluídas no programa cultural de outubro: o monólogo “Complexo de Edipo”, de Quico Cadaval, e a obra de teatro “Go on!”, de Xoque Carbajal e Jouse García.
Dous espectáculos gratuítos pero de aforo limitado, polo que os veciños e veciñas que desexen asistir a algún deles deberán recoller a súa entrada na Casa da Cultura de Lousame antes do venres 9 de outubro.
O programa arrincará o sábado 10 de outubro, ás 20:00 horas, con “Complexo de Edipo”, un relato de Quico Cadaval distribuído por Producciones Teatrales Excéntricas, que conta coa colaboración da Xunta de Galicia, Gadis e Xacobeo 2021. Unha hora de monólogo no que o actor dará conta tanto de psicoanálise e alta cultura, como de cotilleos, gastronomía e novas sobre a monarquía española.
Para o domingo 11 de outubro, ás 19:00 horas, o Concello de Lousame e a Deputación da Coruña teñen programada “Go on!”, unha comedia escrito por José Luís Prieto, dirixida por Marcos Orsi e interpretada por Xoque Carbajal e Jouse García, de Malasombra Producións.
Unha obra na que Carbajal e García se presentan con exploradores espaciais cunha misión: descubrir Galicia, polo que inician un percorrido humorístico polas distintas tradicións desta terra.

Outros artigos

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...