O venres 23 de outubro a compañía Ibuprofeno Teatro achégase a Rianxo a coa produción O mel non caduca. Será ás 21.00 horas na Sala Arcos Moldes do Auditorio Municipal. A peza teatral ten en escena a Avelino González e a Marián Bañobre, co texto e dirección de Santiago Cortegoso. A obra, recomendada para público adulto, ten unha duración aproximada de 80 minutos.
Organízase ao abeiro da programación de Rede Cultural da Deputación da Coruña. A entrada de balde con reserva previa de localidades en auditorio@concelloderianxo.gal (preferentemente) ou no teléfono 664 183 217, do 13 ao 21 de outubro, de 9.00 a 13.30 h, en días laborais.
O mel non caduca é unha comedia teatral para público adulto no que se fai unha lectura crítica e humorística da nosa relación cos obxectos que, polas presións da industria e os seus interese, acaban morrendo antes de tempo (iso que se vén chamando obsolescencia programa e que deixa en moi mal lugar aos electrodomésticos actuais con respecto aos que tivemos a sorte de usar en décadas pasadas). O mel non caduca, que tamén é unha ollada sobre os hábitos que nos levan dereitiños á destrución do planeta, está dirixida por Santiago Cortegoso e conta no seu elenco con Maríán Bañobre e Avelino González.
