Este xoves 22 comeza a XXI edición da Mostra de Curtas de Noia

21 Outubro 2020

O Concello e o Liceo de Noia, coa colaboración da Deputación da Coruña e a Academia Galega do Audiovisual, organizan un ano máis, malia as adversidades da crise sanitaria, unha nova edición da Mostra de Curtas, que comeza este xoves 22 de outubro e remata o vindeiro 1 de novembro. A edición XXI do certame, que pasará á historia polas medidas de distanciamento e límites ao aforo que pon en xogo a organización, xa ten dispoñíbel nas redes o programa final de proxeccións, para as seareiras e seareiros da nosa comarca que queiran consultalo.

As proxeccións da Sección Oficial comezan o xoves 22 ás 20.30 horas no Liceo, cunha sesión múltiple que proseguirá o venres (día 23 ás 20.30), o sábado (día 24 ás 19.00), o domingo (día 25 ás 19.00), o luns (día 26 ás 20.30 horas) e o martes (día 27 ás 20.30 horas) e que inclúe máis de corenta pezas audiovisuais a concurso, ao que cómpre engadir unha sección Quarantine de contribucións relacionadas coa crise sanitaria, co confinamento e coa corentena.

O mércores 28 os documentais son os protagonistas na Sociedade Liceo, ás 20.30 horas, con Onde nos leve o vento, O mostro invisíbel e A nosa vida como nenos refuxiados en Europa.

O xoves 29 ás 20.30 horas, proxectarase un filme que colle de preto aos residentes do concello, xa que está ambientado na histórica sala de festas muradá Paraíso, hoxe en día reconvertida en supermercado. Falamos da longametraxe Eroski Paraíso, de Jorge Coira e Xesús Ron, protagonizada por Patricia de Lorenzo, Miguel de Lira e Cris Iglesias.

O venres tamén se representará, no marco da mostra, a obra Somos Criminais, que vén da man do dúo cómico formado por Carlos Blanco e Touriñán. O comezo está previsto para as 20.30 horas.

O sábado 21, será a Gala de Entrega de Premios, ás 19.00 no Liceo, e o domingo ás 19.00, no mesmo escenario, proxectarase o filme familiar A casa do reloxo de parede.

Outros artigos

O Noia Portus Apostoli, tricampión da Copa Galicia de fútbol sala

Tricampión de Galicia. O Noia Portus Apostoli volveu coroarse este 17 de maio, Día das Letras, como o auténtico rei de Galicia tras proclamarse campión da Copa Galicia por terceiro ano consecutivo. O bloque noiés, o noso único representante na máxima categoría do...

+

Aviso en Noia dunha posíbel contaminación da auga para consumo

O Concello de Noia emitiu un comunicado no que advirte á veciñanza dun episodio de posíbel contaminación da auga para consumo doméstico que faría necesario, até novo aviso, o uso de recursos alternativos para que as familias se abastezan. Ao parecer, o episodio tería...

+

A Campaña do Día da Nai en Noia xa ten números gañadores (dez)

A patronal noiesa (Noia Histórica) resolveu os premios da súa Campaña do Día da Nai, a través da cal buscouse reivindicar o comercio local ao tempo que se quixo premiar a fidelidade da cidadanía cos establecementos do seu concello. En total, sorteáronse 10 vales de 30...

+

Publicidade

Revista en papel

Opinión