Dende fai uns días un grupo de usuarios asistentes ao taller de carpintería da Unidade Asistencial de Drogodependencias (UAD) de Ribeira están a levar a cabo un novo traballo en beneficio da comunidade como é a
restauración do barco emprazado na rotonda de Xarás.
Así, oito integrantes do taller (que a partir de mañá traballará repartido
en dous grupos de cinco persoas, contando o seu profesor Manuel Casais, para dar cumprimento ás novas restricións covid que entran en vigor esta medianoite) están levar a cabo unha actuación integral que inclúe tanto a substitución das madeiras deterioradas como o saneado e pintado de toda a estrutura.
Os traballos prolongaranse entre dúas ou tres semanas sempre que as circunstancias meteorolóxicas o permitan.
Cómpre lembrar que este verán os usuarios da UAD realizaron outro importante labor comunitario na illa de Sálvora a través da construción e colocación de 30 carteis informativos en madeira ademais de substituír a escaleira da praia do Almacén.
