Un particular alertou este mediodía dun accidente en Taramancos, parroquia de Boa. Efectivos da Garda Civil de Tráfico insistiron na necesidade de atención médica urxente, debido á gravidade do estado do ferido.
Posteriormente, profesionais do 061 evacuaron á vítima ao Hospital Clínico de Santiago. Tamén acudiron os axentes da Policía Local e os efectivos do Servizo Local de Protección Civil de Noia.
En Vilagarcía, outro ciclista foi evacuado despois de sufrir unha caída na zona portuaria, sobre as 12,00 horas. O 061 trasladou en ambulancia ao ferido cara ao hospital de referencia.
