Boiro vai ser, durante a tempada 2020-2021 sede oficial da Escola RC
Deportivo, unha actividade para complementar os adestramentos e formación futbolística de nenos e nenas. O concelleiro de Deportes, Marcos Fajardo, asistiu esta tarde á primeira xornada do curso, que se vai levar a cabo todos os luns no campo de fútbol de Vista Alegre.
O obxectivo desta actividade e complementar os adestramentos de xeito
individual, personalizado e atendendo as necesidades de cada un. Con ela, as persoas participantes van desenvolver contidos complementarios ao seu
traballo para profundar no coñecemento e adestramento en fútbol baixo a
supervisión de adestradores titulados e con experiencia. A formación ten en
conta a educación en valores, o desenvolvemento motriz do alumnado e o
achegamento e formación en fútbol.
A actividade comezou esta tarde cun total de 32 participantes repartidos
en dous grupos reducidos, un de 17.00 a 18.00 horas e outro de 18.00 a 19.00
horas. Está dirixida a nenos e nenas de entre 6 e 14 anos e vaise levar a cabo todos os luns no campo de fútbol de Vista Alegre durante todo o curso
académico.