O Concello de Boiro ven de finalizar as obras de renovación do
pavimento nos núcleos de Coviña – Souto Novo, Aruxo, Cotarón e a contorna do Cemiterio Municipal, financiadas polo Plan de Obras e Servizos da Deputación da Coruña. O alcalde, José Ramón Romero, e o concelleiro de
Urbanismo e Obras, Luís Ruiz, visitaron esta mañá as obras finalizas na
contorna do cemiterio, onde se realizou o firme que une a parte traseira do
recinto co campo de fútbol de Vista Alegre, xa que era de terra.
As obras constaron dun orzamento total de 98.553 euros e o seu obxectivo foi mellorar o firme existente en diferentes tramos do rural, xa que
presentaba numerosas deficiencias con gastos excesivos para a súa
conservación, polo que se precisaba unha rehabilitación integral para mellorar as súas características funcionais de seguridade, comodidade e protección do conxunto do firme.
Para a rehabilitación do firme analizáronse distintos factores, como son a
cantidade de tráfico e vehículos pesados que circulan polos diversos tramos de estrada. Todos os pavimentos levan un 15% de árido reciclado procedente de demolicións, que favorece ao factor ecolóxico ao reducir o consumo de áridos de canteira.