A Concellería de Deportes de Noia que dirixe Laura Salgado García informou os días pasados do avance dos traballos de mantemento, de reparación de gretas, e de mellora no illamento e pintura na Piscina Municipal de Noia. Está previsto que os traballos rematen ao longo desta semana que vén de comezar, segundo engadiu o dito departamento.
As obras de mantemento e mellora foron en parte destinadas a adaptar as instalacións á nova realidade da crise sanitaria e incluíron tamén a posta a punto das máquinas do ximnasio e diversos traballos de reparación nos vestiario e máis nos elementos de carpintería das instalacións. Outra liña de actividade puxo o foco na dixitalización de todos os datos acubillados no arquivo da Piscina Municipal.
