As dependencias do Museo Municipal de Ribeira acollerán dende este sábado 10 de outubro unha exposición fotográfica titulada Unha familia, de Ana Crujeiras, con edición de textos por Sara Horta. A inauguración celebrarase ás 12 horas no primeiro andar da instalación, pero, dado o reducido do espazo e as limitacións COVID, o aforo xa está completo, segundo informou o Concello de Ribeira.
Porén, a exposición poderá visitarse no Museo Municipal, seguindo as recomendacións e protocolos anti-COVID, entre o 10 de outubro e o 10 de novembro. A mostra vén da man do Concello e conta coa colaboración da Deputación da Coruña.