SumaRibeira propón axudar ás familias a costear o material de protección dos escolares nos colexios

11 Setembro 2020

O grupo cidadán SumaRibeira, a través do seu portavoz Xurxo Ferrón, presentou unha proposición para ser tratada pola Corporación e que está en relación directa cunha cuestión de actualidade que afecta a todas as familias e á sociedade por enteira: a volta ao cole. Na petición, SumaRibeira, facéndose eco da preocupación das nais e dos pais ante o inicio das clases neste clima de incerteza sanitaria e tamén económica, reclama “facilitar medios materiais que contribúan a paliar o importante esforzo que para as familias con menos recursos económicos pode supoñer, por exemplo, a necesaria utilización a diario de máscaras de protección fiábeis”.

A agrupación lembra que hai países da nosa contorna nos que estes elementos de protección están subvencionados polas administracións competentes, “cando menos para as familias con menos recursos económicos”. E engade: “Hai evidencia de que a eficacia das medidas preventivas reguladas pola administración depende necesariamente do adecuado cumprimento das mesmas por toda a poboación, sendo así que na comunidade escolar, por exemplo, para que as máscaras cumpran coa súa función será necesario que todas as persoas que comparten a mesma aula utilicen decote unha máscara que cumpra cos estándares establecidos”.

A plataforma ribeirense fai saber que “é responsabilidade das administracións competentes que non sexan as dificultades económicas obxectivas as que dificulten ou impidan cumprir a unha integrante da comunidade escolar coa obriga de colaborar solidariamente no coidado da saúde de todas”.

Por estes motivos, SumaRibeira pide ao Concello que proceda con dilixencia a convocar o Consello Escolar Municipal, no que “o Concello pode e debe manter unha comunicación fluída e directa coa comunidade escolar do noso concello, que sen dúbida pode ser de axuda para un mellor coñecemento das necesidades dos centros de ensino na prevención da COVID, e na dinamización da comunicación e obtención de axudas suficientes das administracións competentes”.

Outros artigos

O alumnado de Tahume IX completa a súa formación teórico-práctica

A semana pasada un grupo de alumnas e alumnos do Obradoiro de Emprego Tahume IX, impulsado polos Concellos de Porto do Son e Ribeira para favorecer a inserción laboral da poboación da nosa comarca, presentouse ás probas da Educación Secundaria Obrigatoria (ESA) que se...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...