Santa Uxía de Ribeira celebra hoxe a súa Patrona

12 Setembro 2020

O Concello de Ribeira fixo este ano un intenso traballo para manter viva a celebración da patroa local, Santa Uxía, argallando unha decena de eventos en formatos medios e pequenos, gratuítos e baixo estritos protocolos de seguridade.

Procesión Santa Uxía 12 de setembro 2019. Foto joferpa

Este sábado 12, Día de Santa Uxía, a partir das 11 está prevista unha ruada de música tradicional coa banda de gaitas Os Castros de Ames, con saída do parque García Bayón para rematar na Porta do Sol.

Ás 12, oficiarase unha misa solemne na honra da patroa no adro da igrexa e a praza da Porta do Sol que estará cantada polo Coro Parroquial. A asistencia está limitada pola situación de pandemia.

O que non haberá será a tradicional procesión da que recuperamos uns segundos do ano pasado.

Ás 13 horas haberá na praza de Compostela un novo concerto das Rúas Musicais que correrá a cargo de Blow. Ás 19 horas, a Porta do Sol dará cabida á unha actuación infantil e familiar cos Contos de Pablísimo. E xa para rematar a xornada, ás 21.30 horas na Porta do Sol actuará o grupo Gallaecia Small Band con Paty Lesta.

O domingo 13 de setembro desenvolverase ás 13 horas un concerto de Thais Suki na rúa Santa Uxía para pechar as Rúas Musicais.

Outros artigos

O xurelo e o lirio de Ribeira viaxan a SALIMAT da man da OPP83

A Sociedade Cooperativa Galega do Mar Santa Uxía de Ribeira (OPP83) viaxará a Silleda para participar no 27o Salón de Alimentación do Atlántico, SALIMAT Abanca 2024. A OPP83 realizará unha degustación para os asistentes na que dará conta das excelencias do xurelo e o...

+

A XXIV Mostra de Teatro Infantil de Ribeira arrinca este 31 de maio

Este martes 28 de maio a concelleira de Cultura, Antía Alberte, presentou a vixésimo cuarta edición da Mostra de Teatro Infantil de Ribeira Daniel Gómez Ramil. Fíxoo na compaña de Óscar Romero, director do grupo infantil municipal. Esta mostra, sinalaron, permite pór...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...