Os socialistas de Ribeira piden acondicionar e mellorar a rúa de Correos

15 Setembro 2020

O grupo socialista de Ribeira, a través do seu voceiro José Vilas, presentou unha proposición para ser debatida en pleno relativa ao estado no que se atopa a rúa de Correos da cidade, comprendida entre os viarios de Lugo e Marcial de Adalid. Segundo fai saber a agrupación, a rúa de Correos foi obxecto dende hai anos dunha presión urbanística que agravou a súa condición de viario estreito e con poucas posibilidades de comunicación.

En palabras do grupo, “Debido a circunstancias de edificación alleas ao Concello, vive dende fai un ducia de anos, unha condición anómala, pechada ao tráfico polo estreito da vía, e mesmo prohibida ao paso peonil en determinadas ocasións polo derrube de terras, e arranxos varios do firme”. Os socialistas lembran que os veciños levan anos reclamando o acondicionamento da rúa de Correos, que acumula pozas nas épocas de máis chuvia, que non permite circular nin camiñar e que adoita a amorear, en determinados recantos, maleza e residuos varios.

En virtude de todo o exposto, o Grupo Municipal Socialista insta ao pleno da Corporación a que os servizos técnicos municipais procedan a realizar un proxecto de pavimentado da rúa de Correos, incluíndo a cesión a uso e dominio público dunha finca lindeira, coa dotación de servizos oportuna, e co aliñado definido no vixente PXOUM. Tamén pide que se proceda “á incautación da fianza depositada nas arcas do Concello de Ribeira, co fin de cumprir coas cesións oportunas, e coa realización de muros de contención, e outras condicións particulares da licenza de obras, ante a imposibilidade da realización da mesma”. Tamén se require que no orzamento do Concello para o ano 2021 se dispoña dunha partida orzamentaria para pavimentar e acondicionar á rúa de Correos en Ribeira.

Outros artigos

Adxudicada a pavimentación da rúa Lorenzo Mariño de Aguiño

O Concello de Ribeira vén de adxudicar a pavimentación da rúa Lorenzo Mariño na parroquia de Aguiño, cun orzamento de 132.225 euros e un prazo de execución de 2 meses. Segundo explican fontes do Consistorio, a rúa Francisco Lorenzo Mariño é unha das vías con mais...

+

O xurelo e o lirio de Ribeira viaxan a SALIMAT da man da OPP83

A Sociedade Cooperativa Galega do Mar Santa Uxía de Ribeira (OPP83) viaxará a Silleda para participar no 27o Salón de Alimentación do Atlántico, SALIMAT Abanca 2024. A OPP83 realizará unha degustación para os asistentes na que dará conta das excelencias do xurelo e o...

+

A XXIV Mostra de Teatro Infantil de Ribeira arrinca este 31 de maio

Este martes 28 de maio a concelleira de Cultura, Antía Alberte, presentou a vixésimo cuarta edición da Mostra de Teatro Infantil de Ribeira Daniel Gómez Ramil. Fíxoo na compaña de Óscar Romero, director do grupo infantil municipal. Esta mostra, sinalaron, permite pór...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...