O Concello de Ribeira informa de que foron convocadas as axudas destinadas a entidades sen ánimo de lucro pertencentes á liña social do municipio. Os beneficiarios desta subvención son as asociacións de maiores radicadas no termo municipal de Ribeira que desenvolvan proxectos actividades e servizos para a dinamización, a participación social e a mellora da calidade de vida das persoas maiores e persoas con diversidade funcional; accións de promoción de estilos de vida saudábel; e actividades e programas como cursos, viaxes culturais, talleres, celebración e conmemoración de festas tradicionais, etc.
A contía que se destina ascende a un total de 5.000 euros. O prazo para presentar solicitudes é dun mes contado dende o día seguinte á publicación da convocatoria no BOP, cousa que aconteceu o pasado 1 de setembro.
