O Concello da Pobra tramitará os expedientes sancionadores polo incumprimento da lei de prevención de lumes

10 Setembro 2020

O Concello da Pobra do Caramiñal anunciou esta semana que tramitará os expedientes sancionadores que afectarán ás persoas propietarias dalgunhas parcelas polo incumprimento da xestión da biomasa á cal obriga a Lei 3/2007, de 9 de abril, de prevención e defensa contra os incendios forestais de Galicia no que respecta ao solo urbano, urbanizábel e de núcleo rural. O Goberno local tamén aplicará esta normativa vixente a aqueles terreos que se atopan en solo rústico dentro da franxa de 50 metros perimetrais ao límite do solo urbano, urbanizábel e de núcleo rural, enviándose expedientes á Consellaría do Medio Rural para que continúe co procedemento, ao se-la institución con competencia para sancionar nestes casos.

O Concello lembra que as persoas titulares de parcelas dentro do solo urbano, urbanizábel e de núcleo rural están obrigadas, así como nas franxas perimetrais de 50 metros ao redor destas, a efectuar a xestión da biomasa no prazo voluntario que se estipula cada ano, concretamente, ata 31 de maio. Neste 2020, debido á situación sanitaria derivada da COVID-19, o dito prazo prorrogouse ata 16 de xullo. A lei, sinala a Administración pobrense, permite “requirir antes ou despois deste prazo a xestión da biomasa cando se solicita de oficio ou por outra persoa interesada, por causas motivadas e xustificadas”.

En canto á vexetación, recorda que “non se permiten os piñeiros, eucaliptos, xestas, toxos e silvas, exceptuando os loureiros, carballos, castiñeiros e outras frondosas”. Outras árbores que se exclúen desta disposición son aquelas que se empregan para a xardinaría (tuias, cipreses etcétera), froiteiras de calquera tipo ou as que non teñen continuidade cunha masa forestal, están illadas e non representan risco de incendio.

Outros artigos

Atlántica trae á Pobra dous espectáculos de narración oral

O Festival Atlántica volve levar novas historias a diferentes puntos da xeografía galega e parte da portuguesa no verán deste 2024. Narración oral e paraxes fundiranse unha vez máis con numerosos espectáculos de narración oral. A Pobra do Caramiñal é unha das...

+

A Pobra recibe a bandeira azul para a praia da Lombiña-Cabío

A praia da Lombiña-Cabío é un dos areais recoñecidos coa bandeira azul pola Asociación de Educación Ambiental y del Consumidor (ADEAC) neste 2024. O acto de entrega das 140 bandeiras azuis que corresponden a Galicia -114 praias, 11 portos deportivos e 15 centros...

+

Publicidade

Revista en papel

Opinión

“Auditorio” – José Manuel Pena

“Auditorio” – José Manuel Pena

Xa é unha grata realidade, o novo auditorio. Ribeira, necesitaba un auditorio en condicións e adecuado ao seu número de habitantes e da importante poboación da propia comarca do Barbanza. Este pasado sábado chegouse a inaugurar oficialmente, coa presenza de diferentes...