Este luns día 7 comezará o último dos obradoiros do programa de arte terapia relacionado coa saúde e o benestar integral das persoas que o Centro de Información á Muller ten posto en marcha dende o pasado xullo. Neste taller, segundo informa o CIM, “serán as artes plásticas as que servirán de ferramenta para mellorar e adquirir hábitos saudables en corpo e mente”.
O programa correrá a cargo da facilitadora Lucía González e contará coa asistencia dun grupo de dez mulleres seleccionadas polo CIM. Celebrarase de 9.30 a 13.30 horas no Auditorio nos días 7, 8, 9, 10, 14, 15, 16 e 17.
A acción está co-financiada pola Secretaría Xeral da Igualdade e a Unión Europea.
