O BNG leva a situación do Museo do Mar de Noia ao Parlamento galego

03 Setembro 2020

Rosana Pérez e Ricardo Suárez na súa visita aos almacéns do Museo do Mar

O Bloque Nacionalista Galego (BNG) vai levar ao Parlamento galego a actual situación do Museo do Mar de Noia, cuxo material, segundo denuncia o partido nacionalista, segue hoxe almacenado por particulares nas instalacións dos almacén da Asociación Mar de Noia, malia a inauguración das novas instalacións do centro de exposicións este verán.

En virtude de todo isto, a agrupación presentará unha proposta non de lei na que pedirá á cámara a que inste ao Goberno galego a dirixirse ao GALP 4 para lembrarlle “os deberes dos beneficiarios que establece o artigo 10 da Orde da Consellaría do Mar do 24 de maio de 2016, relativo ao cumprimento das condicións e prescricións establecidas nela en canto aos obxectivos, realización das actividades ou adopción do comportamento que fundamenta a concesión da subvención”.

Segundo critica o BNG, no mes de agosto o Concello de Noia anunciou a inauguración das novas instalacións do Museo do Mar de Noia, e que se materializou finalmente o día 21, “sen que ata o día de hoxe se tiveran trasladado ás mesmas os fondos pertencentes á Asociación Mar de Noia, que serviron para a creación do propio Museo, e sen que comezara a actividade e a xestión por parte da asociación”.

Dende o BNG defenden que esta situación é “un grave prexuízo para o patrimonio almacenado e piden que está situación non se demore máis no tempo”.

Así mesmo, o grupo nacionalista no Parlamento tamén rexistrou sendas preguntas para ser levadas a cabo na Comisión oitava e no pleno, relativas a esta cuestión.

Primeiramente, pregúntanse “se a Xunta considera que se están a cumprir os requisitos establecidos a orde da Consellaría do Mar e os obxectivos marcados polo Concello de Noia na solicitude da subvención que lle foi concedida consonte á devandita orde”.

En segundo lugar, a formación tamén preguntará pola valoración que fai o Goberno galego de que, unha vez finalizadas e inauguradas as instalacións do novo Museo do Mar de Noia, o material recollido durante anos pola Asociación do Mar de Noia que dou lugar á creación do propio Museo, permaneza amontoado en distintos almacéns particulares da localidade”.

Finalmente a agrupación nacionalista requirirá á Xunta a que se pronuncie sobre o feito de que o patrimonio cultural, histórico e etnográfico doado por centos de veciños de Noia e a súa comarca durante anos á Asociación Mar de Noia deba continuar divulgándose e poñéndose en valor co apoio e a colaboración das distintas administración públicas.

Outros artigos

O Noia Portus Apostoli, tricampión da Copa Galicia de fútbol sala

Tricampión de Galicia. O Noia Portus Apostoli volveu coroarse este 17 de maio, Día das Letras, como o auténtico rei de Galicia tras proclamarse campión da Copa Galicia por terceiro ano consecutivo. O bloque noiés, o noso único representante na máxima categoría do...

+

Aviso en Noia dunha posíbel contaminación da auga para consumo

O Concello de Noia emitiu un comunicado no que advirte á veciñanza dun episodio de posíbel contaminación da auga para consumo doméstico que faría necesario, até novo aviso, o uso de recursos alternativos para que as familias se abastezan. Ao parecer, o episodio tería...

+

A Campaña do Día da Nai en Noia xa ten números gañadores (dez)

A patronal noiesa (Noia Histórica) resolveu os premios da súa Campaña do Día da Nai, a través da cal buscouse reivindicar o comercio local ao tempo que se quixo premiar a fidelidade da cidadanía cos establecementos do seu concello. En total, sorteáronse 10 vales de 30...

+

Publicidade

Revista en papel

Opinión

“O Barbanza: Cinco anos de xornalismo independente”

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...