O BNG de Noia reúnese coa veciñanza de Orro e Vilanova para traballar pola seguridade viaria

28 Setembro 2020

As e os integrantes da asemblea local do BNG de Noia están a percorrer os núcleos de Orro e Vilanova na procura de sinaturas para reclamar máis seguridade viaria nas estradas da contorna. O obxectivo é instar ao Concello de Noia e á Xunta, administración da que depende a estrada AC-550, para chegar a un acordo e frear os problemas que están a carrexar os vehículos para as veciñas e os veciños, principalmente pola alta velocidade daqueles e pola ausencia de espazos axeitados que garantan a seguridade dos peóns.

Os nacionalistas sinalan que “é urxente dar solución a unha reclamación veciñal que xa ten un longo percorrido” e pretenden contar co “apoio da xente para poder facer presión para que a Xunta acometa unha solución o antes posíbel”. A formación engade que as solucións, “ben sexa vía pasos de peóns ou vía pasos voados”, deben ir acompañadas “dunha redución efectiva da velocidade de tránsito e dunha sinalización axeitada dos pasos que permita aos condutores unha visión clara dos peóns”.

Os encontros coa veciñanza de Orro e Vilanova súmanse ás recentes reunións cos residentes de Boa, sendo a previsión estender esta campaña a outras zonas afectadas do concello polo mesmo problema. En palabras do portavoz da formación, Ricardo Suárez, “a estrada AC-550 convertese nunha muralla que separa en dous varios núcleos de poboación noieses”; ademais Suárez afirma que “hai unha clara unanimidade entre a xente destes lugares en canto á grande importancia de solucionar os problemas de inseguridade viaria e polo tanto valoran moi positivamente que intentemos buscar unha solucións dende as institucións”.

Outros artigos

O Noia Portus Apostoli, tricampión da Copa Galicia de fútbol sala

Tricampión de Galicia. O Noia Portus Apostoli volveu coroarse este 17 de maio, Día das Letras, como o auténtico rei de Galicia tras proclamarse campión da Copa Galicia por terceiro ano consecutivo. O bloque noiés, o noso único representante na máxima categoría do...

+

Aviso en Noia dunha posíbel contaminación da auga para consumo

O Concello de Noia emitiu un comunicado no que advirte á veciñanza dun episodio de posíbel contaminación da auga para consumo doméstico que faría necesario, até novo aviso, o uso de recursos alternativos para que as familias se abastezan. Ao parecer, o episodio tería...

+

A Campaña do Día da Nai en Noia xa ten números gañadores (dez)

A patronal noiesa (Noia Histórica) resolveu os premios da súa Campaña do Día da Nai, a través da cal buscouse reivindicar o comercio local ao tempo que se quixo premiar a fidelidade da cidadanía cos establecementos do seu concello. En total, sorteáronse 10 vales de 30...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...