O alcalde da Pobra comprométese a apoiar as consignatarias respecto da deterioración das instalacións do peirao comercial

24 Setembro 2020

O alcalde da Pobra do Caramiñal, Xosé Lois Piñeiro, mantivo a semana pasada unha reunión con representantes das empresas locais que emprestan servizos aos buques que recalan no porto local: Consignaciones Barbanza, Consignaciones Puebla e Consignaciones Luis Martinez. A xuntanza coas consignatarias tivo o obxectivo de coñecer de primeira man a situación dos vestiarios do peirao comercial, os cales son empregados polas persoas traballadoras das mencionadas empresas. A reunión tivo un precedente directo a principios de setembro, cando o rexedor visitou as devanditas dependencias xunto coa presidenta de Portos de Galicia, Susana Lenguas, durante a estadía desta na localidade.

Nesta ocasión, o rexedor tivo a oportunidade de comprobar in situ o que cualificou como “graves deficiencias que presentan as instalacións”. Segundo apuntou, “o proxecto para a construción duns novos vestiarios que reúnan as condicións necesarias para cumprir as súas funcións atópase na actualidade paralizado”, ademais de que, tal e como se expuxo, “o seu elevado custo e a repercusión que tería nas taxas portuarias, multiplicaríanse por dez, non permitiu chegar a un acordo entre as empresas usuarias do peirao e a entidade responsábel do funcionamento do porto”.

En consecuencia, o alcalde amosou o apoio do Goberno municipal ás demandas das empresas consignatarias e ofreceuse a mediar no asunto, na procura dunha solución nun curto prazo, pois afirmou que “a situación é insostíbel debido ao avanzado grao de deterioración dos vestiarios, que non cumpren coas condicións mínimas de hixiene e seguridade”.

Piñeiro, ao fío do devandito, anunciou que solicitará unha nova xuntanza coa presidenta do ente público e, de ser necesario, procurará dar traslado da situación ao Parlamento galego.

Outros artigos

Rosana Pérez reclama máis solo industrial na comarca do Barbanza

A deputada do BNG Rosana Pérez vén reclamar no Parlamento máis superficie industrial para O Barbanza, ao tempo que lembrou a “escaseza clamorosa” de solo empresarial en Barbanza Arousa, onde os catro parques empresariais existentes (Ribeira, A Pobra, Boiro e Rianxo)...

+

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...