Unha parella de octoxenarios foi trasladada durante a medianoite de onte ao hospital de Barbanza tras inhalar grandes cantidades de fume. O suceso rexistrouse na súa vivenda, situada na aldea de Graxo, en Boiro. As chamas comezaron nunha habitación, que quedou completamente calcinada pola forza do lume. Os dous habitantes tiveron que ser auxiliados por veciños da zona, que foron os primeiros en chegar, e mesmo rescataron á señora o ter problemas de mobilidade. Ambos foron dados de alta o longo do día.
Efectivos dos parques de bombeiros de Boiro e Ribeira interviron no incendio. Tamén o fixeron efectivos do SMPC de Boiro, Garda Civil, Policía local e efectivos sanitarios do 061.
