Contra atrás para o comezo das Escolas de Fútbol da Fundación Celta en Ribeira

28 Setembro 2020

O concello de Ribeira e a Fundación Celta van traballar para seguir convertendo o termo municipal nun centro de formación e adestramento para as novas promesas do deporte. Farano a través das Escolas de Fútbol 2020-2021, cuxa edición ribeirense celebrarase no Campo Municipal da Fieteira, os mércores en horario de 18.00 a 20.30 horas. As sesións, que van desenvolver “baixo cumprimento estrito de protocolo de seguridade COVID-19”, levaranse a cabo dende outubro até maio, con data de inicio o 7 de outubro. O prazo para inscribir aos novos deportistas está aberto dende o 7 de setembro. Este mércores está prevista unha xornada de portas abertas.

As Escolas de Fútbol da Fundación Celta de Vigo inclúen escola de tecnificación, clases impartidas por técnicos da canteira do Real Club Celta e sesións para aplicar a metodoloxía de formación e desenvolvemento da canteira do club. As clases levaranse a cabo en grupos reducidos, de 10 xogadores de máximos, con adestramentos individualizados. Haberá descontos para xogadoras e xogadores de clubs convidados, segundos irmáns, abonados do Real Club Celta e membros da Fundación Celta, e clubs do concello de Ribeira. A cota mensual será de 30 euros ao mes con desconto e a matrícula de 50 euros, tamén con desconto, incluíndo equipamento de formación completa: chuvasqueiro, suadoiro, camiseta, pantalón e calcetíns. Para máis información sobre o programa cómpre consultar a web da Fundación Celta de Vigo.

Xornada de portas abertas

As escolas de tecnificación do Celta celebrarán este mércores 30 en Ribeira unha xornada de portas abertas. Será, tamén, no Campo Municipal da Fieteira, pola tarde e en dúas quendas: a partir das 17.30 horas (prebenxamíns e benxamíns) e ás 19.00 horas (alevíns e infantís). As e os deportistas que teñan interese en acudir deberán inscribirse no documento en liña habilitado pola organización.

Outros artigos

Fallados os galardoados do XV Premio Internacional de Gravado Atlante

Participan no fallo do xurado, 260 obras de 175 participantes a nivel internacional, procedentes de países como Alemania, Arxentina, Brasil, Chile, España, Estados Unidos, Puerto Rico, Uruguay, México, Perú,Cuba, Francia, Rusia, Canadá, Italia, Portugal, Tailandia,...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...