Comeza na Pobra unha nova edición do Camiños de Coñecemento e Experiencia

22 Setembro 2020

Un total de 25 veciñas e veciños participan dende este martes 22 no programa Camiños de Coñecemento e Experiencia, impulsado pola Universidade de Santiago de Compostela (USC) e que regresa por terceiro ano consecutivo ao municipio da Pobra, para lle presentar á veciñanza maior de 50 anos unha atractiva oferta formativa.
O Auditorio do Museo Valle-Inclán acolleu esta tarde o acto de apertura, para o cal se desprazou ata alí a concelleira da Cultura, Patricia Lojo, e a directora do IV Ciclo na USC, Esther Olveira, para dárlle-la benvida ás persoas asistentes, ademais de agradecer o traballo da técnica municipal da Área da Cultura, Fita Sanisidro.
O dito ciclo desenvolverase ao longo do presente mes, englobando tres
seminarios das seguintes temáticas: criminoloxía, educación e teatro. Cada un constará dunha sesión teórica e outra práctica.
Deste xeito, hoxe transcorreu o seminario Introdución á criminoloxía. A
criminoloxía e a política criminal a cargo de Ana Moure Soengas, da Facultade de Ciencias Políticas (USC). Volverá no día seguinte cun obradoiro práctico e a análise dunha pegada dixital.

O xoves 24 será a quenda de Diana Priegue Caamaño e Cristina Varela Portela, da Facultade de Ciencias da Educación (USC), co seminario Estilos educativos parentais. No venres 25 realizarase a parte práctica.
Beatriz Porrúa Refojo, do Programa Universitario de Maiores IV Ciclo (USC),
será a encargada de impartir Seminario Teatro. A construción do personaxe no luns 28, que proseguirá no martes 29 coa súa parte práctica a través dun
obradoiro.
O curso concluirá coa tradicional entrega de diplomas en Santiago, incluíndo algunha cita cultural.
Tódalas actividades teñen lugar en horario de 16.30 a 18.00 horas no Auditorio do Museo Valle-Inclán.

Outros artigos

Atlántica trae á Pobra dous espectáculos de narración oral

O Festival Atlántica volve levar novas historias a diferentes puntos da xeografía galega e parte da portuguesa no verán deste 2024. Narración oral e paraxes fundiranse unha vez máis con numerosos espectáculos de narración oral. A Pobra do Caramiñal é unha das...

+

A Pobra recibe a bandeira azul para a praia da Lombiña-Cabío

A praia da Lombiña-Cabío é un dos areais recoñecidos coa bandeira azul pola Asociación de Educación Ambiental y del Consumidor (ADEAC) neste 2024. O acto de entrega das 140 bandeiras azuis que corresponden a Galicia -114 praias, 11 portos deportivos e 15 centros...

+

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...