A Asociación Cultural Barbantia, a editorial Galaxia, La Voz de Galicia e o Concello de Noia van presentar o vindeiro 25 de setembro a novela Silencio, do escritor local Agustín Agra, que publicará a editorial Galaxia. A cita será no Teatro Coliseo Noela, a partir das 20.30 horas.
Canda o autor participarán María Xesús Blanco (vicepresidenta da A. C. Barbantia), Antonio Piñeiro (A. C. Barbantia) e o músico Pablo Sax. Debido á redución de aforo polas medidas preventivas contra o COVID-19, compre reservar localidades en pastor@barbantia.es. As entidades organizadoras do evento lembran quen é preciso acudir con máscara de protección.
Agustín Agra Barreiro, nado en Noia o 12 de setembro de 1966, é escritor e profesor de Bioloxía no IES A Cachada de Boiro. Comezou a escribir en 2003, publicando os seus primeiros textos nas revistas Alameda do Liceo de Noia e Casa da Gramática do IES Virxe do Mar de Noia, colaborando coa Asociación Cultural Barbantia. No xénero infantil publicou obras como O tesouro da Lagoa de Reid ‘Is, Cazaría salvaxe, A treboada de C, Trampa de luz e Cor animal. En narrativa para adultos é responsábel de O recendo das mimosas, 2009, Xerais.
