O actor, escritor e director Avelino González vai levar á Casa da Cultura de Porto do Son o seu espectáculo Saaabor!, un espectáculo cómico para a rapazada (especialmente) que mestura música, maxina, humor, ritmo e gastronomía. Será o 10 de outubro a partir das 20.30 horas. As entradas poden adquirirse no Concello de Porto de Son. O espectáculo Saaabor! recibiu hai dous anos o Premio do Público do Festival Festiclown.
Trátase dunha proposta na que dous recoñecidos chefs chegan a unha vila cun vehículo gastronómico (unha food-truck que causa sensación entre os residentes) coa idea de mostrar as súas habilidades, pero as cousas non acaban de funcionar sempre como se desexan…
O espectáculo conta coa presenza de Félix Rodríguez (Odaiko, Píscore) e Fran Rei (Falar sen Cancelas, Os Sete Magníficos), baixo a batuta de Avelino González. Terá unha duración de 65 minutos.
