O programa Aquí la Tierra, unha das máis populares e recoñecidas contribucións audiovisuais da actual grella da televisión pública estatal (o programa foi recoñecido recentemente no Festival de Televisión de Vitoria-Gasteiz co Premio FesTVal), estivo os días pasados en Porto do Son para mostrar o importante traballo que despregan cada día as traballadores e traballadores do mar.
Froito desta visita foi o programa deste 13 de setembro que xa podemos ver online, na canle de RTVE, e na que a presentadora Mar Villalobos de Aquí la Tierra acode a terras sonenses da man do actor Antonio Garrido e mailo patrón maior da Confraría de Pescadores do Porto do Son, Milo Queiruga, e tamén acompañada das redeiras de Portosín.
