A Policía Local de Rianxo rexistrou 14 infraccións nas estradas entre o 9 e 20 de setembro

24 Setembro 2020

A Policía Local de Rianxo realizou os días pasados, entre o 9 e o 20 de setembro, unha campaña especial de vixilancia e control de alcol, drogas e velocidade nas estradas locais, en colaboración coa Dirección Xeral de Tráfico. Para o operativo dispúxose un vehículo cedido polo devandito organismo, equipado cos medios técnicos precisos para o desenvolvemento de dito labor de control e vixilancia. A través do operativo controlouse a velocidade de 1.878 vehículos, detectándose un total de 14 infraccións administrativas.

Amais, realizáronse en diversos controis un total de 191 probas de alcoholemia, sendo interceptados 3 condutores que deron taxas superiores ás permitidas, dos cales un foi denunciado vía administrativa, e os outros dous foron denunciados vía penal, por senllos delitos contra a seguridade do tráfico.

Por outra banda, a Policía Local engadiu do día 11 ao 18 de setembro, coincidindo coas datas nas que se deberan celebrar as Festas da Guadalupe no concello rianxeiro, estableceuse un dispositivo especial conxunto coa Garda Civil, reforzando as patrullas e facendo incidencia na vixilancia e no control da normativa sanitaria e da seguridade cidadá. Os axentes rianxeiros, durante o referido dispositivo, denunciaron a 8 persoas e un establecemento hostaleiro por infraccións á normativa sanitaria ou alteracións do orde público.

Outros artigos

Unha muller ferida nun accidente na autovía en Asados

Unha persoa necesitou atención por parte dos servizos sanitarios logo dun accidente de tráfico ocorrido preto das cinco da tarde deste martes na autovía de Barbanza. O vehículo que conducía saíuse da vía na zona de Asados e terminou envorcado sobre o asfalto. Os...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...