A Deputación financia a mellora da praza de San Lázaro en Noia

16 Setembro 2020

A Deputación da Coruña financiará, en colaboración co Concello de Noia, as obras de acondicionamento e mellora da praza de San Lázaro e da nova rede separativa de saneamento da rúa Outonil e Vista Alegre da localidade noiesa. A entidade provincial lembra que ambas as dúas obras están en fase de licitación pública ata o 28 de setembro e suman un investimento total de 335.219 euros, dos que 320.000 serán achegados con fondos do Plan Único (POS+2019) da Deputación e 14.990 con fondos propios do Concello de Noia.

O obxectivo é que as obras de reurbanización da praza de San Lázaro “melloren a estética e funcionalidade da mesma, que presenta diversas deficiencias”, explica a Deputación, engadindo que na contorna actual de estacionamento e na rúa asfaltada cambiarase por completo o pavimento e ampliarase a zona de xogos, instalando novos aparellos biosaudábeis e multiaventura no entorno da capela.

No resto da praza de San Lázaro realizaranse obras de mantemento como substitución das luminarias, lixado e pintado das farois, substitución de enreixados e das madeiras dos bancos e mantemento dos xardíns.

Renovación da rede de saneamento en Outonil e Vista Alegre

A Deputación financiará tamén as obras de renovación da rede de saneamento das rúas Outonil e Vista Alegre de Noia, instalando un sistema separativo de augas pluviais e residuais. Segundo fai saber a entidade provincial, a rede de saneamento ten máis de 30 anos de uso e presenta fendas nos colectores, fabricados en formigón e situados a pouca profundidade (apenas 40 cm.) da superficie da estrada, o “que provoca problemas no sistema”. A nova rede de saneamento será de PVC mentres que a de recollida de pluviais executarase en propileno. As obras incluirán as acometidas a todas a vivendas e os pozos, que tamén serán renovados, executaranse en formigón prefabricado.

Tras a execución da nova rede de saneamento, pavimentaranse as rúas con aglomerado de 5 cm de espesor e realizarase o recrecido dos pozos actuais para eliminar posíbeis fochancas.

Outros artigos

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...