A Casa da Cultura de Lousame serve de escenario este venres 18 de setembro ao obradoiro Xogando coa música, dirixido por Esperanza Mara. Recomendado para nenos e nenas do municipio maiores de 3 anos, as inscricións aínda estarán abertas ata as 14.00 horas do propio venres chamando ao 981 825 780. O obradoiro Xogando coa música comeza ás 19.00 horas.
A actividade consiste nun contacontos para a cativada inspirado na historia dunha soprano que non é quen de cantar logo de que un neno se rira dela en público. Coa axuda da Serea Medea e da rapazada lousamiá, conseguirá volver a cantar. Un espectáculo familiar e gratuíto duns 45 minutos de duración.
