Un cento de persoas, entre mozos e menores (e adultos que acompañabana estes últimos) participaron onte domingo nunha excursión á illa de Sálvora
promovida pola Concellería de Xuventude coa fin de vivir unha xornada en familia nesta época estival.
A irregularidade do tempo reinante non foi obstáculo para disfrutar dunha experiencia na que, da man de guías titulados do parque nacional das Illas Atlánticas, tiveron ocasión de percorrer dúas rutas, ata a aldea e os hórreos dedicados ás catro heroínas e a Luis Cebreiro, por unha banda, e ata o faro por outra.
E aínda houbo tempo de espraiarse na praia do Almacén antes de emprender a viaxe de regreso en catamarán en torno ás cinco da tarde.
Con eles estivo a concelleira de Xuventude, Juana Brión.
