Ribeira terá nova web municipal

14 Agosto 2020
Web actual de Ribeira

O Concello de Ribeira adxudicou o deseño, desenvolvemento e implementación dun novo portal web municipal: unha iniciativa que busca por unha banda mellorar a proximidade e relación coa cidadanía (optimizando a experiencia de usuario na súa relación coa institución) e, por outra, modernizar o seu estilo e imaxe, empregando así mesmo as técnicas máis punteiras de xestión para facela máis dinámica, viva e intuitiva.
Cómpre lembrar que esta iniciativa se enmarca dentro da EDUSI Máis
Riveira Atlántica 2020, financiada nun 80% polo Fondo Europeo de
Desenvolvemento Rexional (FEDER) dentro do Programa Operativo
Plurirrexional de España (POPE) 2014-2020.
Adscríbese á liña de actuación deste plan denominada ‘Modernización da
Administración e Smart Village Riveira, á que pertence tamén o Sistema
de Cartelería Dixital que se está desenvolvendo en período de probas,
con seis pantallas informativas situadas noutros tantos puntos do
municipio.
De entre os cinco aspirantes presentados durante o período de licitación,
a empresa que obtivo unha mellor clasificación foi ASAC
Comunicaciones S.L., cun total de 95,96 puntos, dos cales 49,96
corresponden á oferta económica (17.459,09 euros, con IVE incluído) e
46 puntos á valoración técnica da súa proposta.
O prazo de entrega e posta en marcha da solución escollida será de 4
meses dende a firma do contrato.

Outros artigos

Iniciada a reparación da rampla do peirao de Aguiño

A empresa Audeca comezou os traballos de reparación da danada rampla do peirao de Aguiño, en Ribeira, unha obra longamente esperada pola confraría local e que requiriu máis dun ano de tramitación. O custo da actuación ascende a uns 40.000 euros. A obra divídese en...

+

Ribeira presenta o programa de conciliación para o verán 2024

Concello O segundo tenente de alcalde Vicente Mariño e a concelleira Tania Redondo presentaron hoxe o programa de conciliación Días Sen Cole de cara ao verán deste ano 2024.A área de Servizos Sociais Comunitarios impulsa os campamentos de conciliación durante as...

+

Publicidade

Revista en papel

Opinión

“No cárcere” – Xulio Xiz

“No cárcere” – Xulio Xiz

Como membro dunha sociedade democrática, con poderes básicos, forzas executoras, leis que marcan reglas de xogo, presunta igualdade de oportunidades e plena integración en Europa, calquera de nós corre perigo de pechar os ollos e coidar que vive nun mundo camiño da...