Baixo unhas condicións especiais, Santa Uxía acolle ata o domingo a feira de oportunidades Viamare Stock da Asociación de Empresarios de Ribeira. Na feira participarán 22 establecementos dos máis diversos sectores e a patronal volve contar coa colaboración do centro de día de alzhéimer para a confección dos elementos decorativos. Os establecementos, como é habitual instalarán as sús carpas no Malecón, pero debido ás restricións da crise sanitaria non o farán nunha soa carpa.
A situación actual sanitaria obrigará a que cada establecemento disporá dun espazo propio. Ademais, haberá entradas e saídas independentes, así como un vixiante de seguridade controlando o aforo e o uso de máscaras. O horario será, todos os días, de 11.00 a 22.00 horas de maneira ininterrompida. Desde a patronal de Ribeira destacaron o apoio do Concello ao comercio local nestes momentos tan delicados polos que atravesa debido á pandemia e que esta edición a XV amosa a consolidación da Feira Viamare Stock.
