O Grupo Municipal do PSdG-PSOE de Noia, a través do seu voceiro, Roberto Iglesias, vén de solicitar á alcaldía a Convocatoria da Comisión de Seguimento da Covid-19, ante os brotes producidos nalgún Concello da Comarca.
O PsdG-Psoe quer achegar ós integrantes da Comisión varias propostas para mellorar a seguridade en diversas actividades que se realizan na Vila, como son a ubicación e control dos accesos ao “mercadillo”, señalizacións e reordenacións provisionais nalgunhas beirarrúas que actualmente impiden gardar as distancias de seguridade para evitar aglomeracións, etc
Consideran que tratar con antelación as medidas a seguir no caso de que se produza algún contaxio no Concello estaría estar mellor preparados por si teñen que enfrontar esta situación nos vindeiros días ou semanas ante o aumento de contaxios en Galicia.
Un dos asuntos que lles preocupa especialmente e que consideran que non se está a preparar ca suficiente previsión, é o inicio do curso escolar, o voceiro municipal Roberto Iglesias considera que “a Xunta non está asumindo as súas competencias e esixen ao Concello que cumpra cas súas funcións, facendo todo o posible para que se inicie o curso o mellor posible”. Unha das medidas que din que hai que tomar é reordenar os accesos ás escolas, para que non se produzan aglomeracións á hora de entrada e saída das nenas e nenos.
