Este venres 21 de agosto e maña sábado 22 será a derradeira oportunidade para asistir as proxeccións de cinema no marco do Autocine Lúa Chea do Barbanza que se está a desenvolver desde o pasado mes de xullo da man dos Concellos de Arousa-Barbanza: Ribeira, A Pobra, Boiro e Rianxo. Desta volta, a experiencia cinematográfica ao aire libre chega á Pobra do Caramiña.
Este venres os filmes proxectados serán ás 20:30 Pérez, o ratiño dos teus soños dentro da categoría de cinema familiar e ás 23:30 é a quenda de Érase unha vez en Hollywood na categoría de cinema actual. O sábado temos a oportunidade de asistir ao filme galego O que arde, dirixido por Óliver Laxe, e ás 23:30 Bohemian Rapsody para o que xa están esgotadas as entradas.
O Autocine Lúa Chea do Barbanza terá lugar na explanada portuaria do aparcadoiro en A Pobra do Caramiñal. As inscricións pódense realizar na web de Barbanza-Arousa de balde.