Lousame reabre o seu centro de día ao 50% da súa capacidade e tras unha profunda desinfección das súas instalacións

04 Agosto 2020

O centro de día de Lousame vén de reabrir as súas portas esta semana,
despois da clausura das súas instalacións durante a pandemia do coronavirus Covid-19. Unha reapertura que se fixo efectiva na xornada de onte luns e que nesta primeira fase permitirá dar servizo ao 50% dos usuarios e usuarias destas instalacións.
A concelleira de Servizos Sociais, Silvia Agrafojo, sinala que “nesta primeira etapa non poderá haber visitas externas por seguridade e, a maiores, antes de abrir as instalacións o Concello de Lousame contratou a unha empresa autorizada pola Consellería de Sanidade para que certificara que as instalacións estaban totalmente libres de Covid-19”. En 15 días poderá
asistir o 75% dos usuarios e usuarias e nun mes poderán estar todos e todas incorporados.
A desinfección, levada a cabo pola empresa Bioambiental, tivo lugar na tarde do pasado venres 31 de xullo, en ausencia de persoas e ao rematar a xornada laboral. Os técnicos da empresa, perfectamente equipados con EPIS, aplicaron nebulización aérea e localizada sobre todas as instalacións, prestando especial atención a superficies críticas como pomos de portas, mesas, sillas… Para iso utilizaron un desinfectate bactericida, funguicida e virucida.
Silvia Agrafojo explica que “en Lousame imos recuperando pouco a pouco a normalidade en todos os servizos, sempre baixo a premisa da seguridade e o seguimento dos protocolos sanitarios. Fixémolo cos campamentos de verán, que penso que foron todo un exemplo de seguridade e bo comportamento tanto por parte dos monitores e voluntariado como das
familias participantes. Fixémolo hai un mes cos obradoiros de maiores e agora, tras o centro de día, traballaremos para que todo estea a punto cando abramos as portas do Punto de Atención á Infancia en setembro”.

Outros artigos

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...