Este domingo celébrase en Cabo de Cruz unha nova edición da Liga ACT que, segundo vén de informar o Concello, vai contar, por motivos de seguridade anti-COVID, con certas particularidades con respecto a outros anos. A respecto da competición, tanto o club como o Concello aconsellan e animan a todos os seareiros a que sigan a regata dende o mar ou pola televisión e “evitar deste xeito aglomeracións no espigón de Cabo de Cruz”. De feito, o acceso a esta infraestrutura portuaria ficará cortado durante a competición, co fin de asegurar o distanciamento.
Asemade, “por motivos de seguridade”, o acceso ao porto estará tamén restrinxido e só poderán acceder os remeiros e adestradores, as autoridades e persoas autorizadas con pase de acceso ao barco. Ademais, a Policía Local controlará a contorna para evitar as aglomeracións.
A Eusko Label Liga vai disputar esta fin de semana a décimo sexta xornada. Será o domingo, a partir das 12.00 horas cando se dispute en Boiro, en Cabo de Cruz, a XXX Bandeira Concello de Boiro e se poñerá fin, con esta regata, á tempada regular da Liga ACT.
