Unha condutora resultou ferida leve tras un accidente rexistrado esta mañá no Malecón de Ribeira. No suceso dous vehículos chocaron á altura do mercado municipal.
A muller foi trasladada a un centro sanitario nunha ambulancia, despois de que o coche que conducía colisionara contra outro por detrás.
Efectivos da Policia local e do GAEM controlaron a situación e o tráfico que obrigou a alterar a circulación establecendo un carril central. Ningún dos ocupantes do segundo turismo parecía revestir feridas. Os integrantes do GAEM tamén se encargaron de despexar a vía para poder restablecer a circulación en senllos carrís.
