En Noia comeza a Ășltima quenda dos campamentos urbanos do Concello cun obradoiro impartido pola protectora Arca

11 Agosto 2020

A concelleira de Xuventude, Laura Salgado, e o concelleiro de Medio
Ambiente, MartĂ­n FernĂĄndez, participaron nunha especial actividade coa que se deu comezo ĂĄ Ășltima quenda dos campamentos urbanos do Concello de Noia. O parque canino Agility acolleu un completo obradoiro sobre adopciĂłn de animais de compañía impartido pola protectora Arca de Noia.
Preto de trinta nenos e nenas asistiron, xunto cos seus monitores e monitoras, a esta sesiĂłn.
Nela, a protectora Arca explicou ĂĄs crianzas asistentes como se desenvolve o seu labor no dĂ­a a dĂ­a. Entre as sĂșas tarefas atĂłpase, precisamente, rescatar cans e gatos que son abandonados. Tras levalos ĂĄs sĂșas instalaciĂłns comeza a busca de novos fogares para estes animais de compañía.
Dende a protectora Arca de Noia insistiron moito na responsabilidade que as persoas deben ter ĂĄ hora de adoptar unha mascota. Neste senso, lembraron que, en ningĂșn caso, se deben deixar abandonadas, ao tempo que animaron ĂĄs nenas e nenos a coñecer a algĂșns dos cans que teñen en proceso de adopciĂłn.
Esta Ășltima quenda dos campamentos urbanos do Concello de Noia estenderase ata o vindeiro 21 de agosto. Conta coa participaciĂłn de preto dunha trintena de crianzas en idade escolar, de entre 4 e 12 anos. As actividades desenvĂłlvense de luns a venres no polideportivo AgustĂ­n MourĂ­s, en horario de 9:00 a 14:00 horas.

Outros artigos

A Marea de Noia require unha inspecciĂłn da ETAP

O voceiro da Marea de Noia, Manolo Seijas, presentou un escrito ante a inspecciĂłn de sanidade sobre a auga municipal no que require ao dito departamento unha anĂĄlise exhaustiva da ETAP (EstaciĂłn Tratamento de Auga PotĂĄbel) para verificar o estado da mesma e do...

+


Publicidade

ï‡Ș

Revista en papel



OpiniĂłn

“CadaquĂ©n coa sĂșa idea”. LuĂ­s Celeiro

“CadaquĂ©n coa sĂșa idea”. LuĂ­s Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. AntĂłn Luaces

“Good morning, Baltimore”. AntĂłn Luaces

Este xoves foron recuperados outros dous cadĂĄveres supostamente doutros tantos obreiros da maior infraestrutura marĂ­tima de Baltimore, considerada a de mĂĄis lonxitude de Estados Unidos, que foi derrubada o pasado martes polo portacontedores "DalĂ­", que bateu contra a...