En Noia a deputada nacionalista Rosana Pérez visitou a Confraría para coñecer os problemas do pósito

A deputada do BNG no Parlamento Galego, Rosana Pérez, visitou
novamente o municipio de Noia para manter unha reunión na Confraría de
Noia, xunto ao portavoz da agrupación local do partido, Ricardo Suárez, co
Patrón Maior, Santiago Cruz.
Na reunión, os representantes nacionalistas, interesáronse polas principais
problemáticas en torno á actividade marisqueira e as perspectivas da
institución noiesa de cara ás próximas campañas. Ademais, Cruz, lembrou
á deputada a importancia dos bancos marisqueiros do municipio xa que
xeran, de xeito directo, máis de 1.500 empregos.
Pérez reafirmou o compromiso da formación nacionalista por unha aposta
pola mellora das calidades do auga nas rías galegas, cousa que na súa
opinión pasa pola “necesaria eliminación de puntos de vertido e o ávido
remate do saneamento integral dos municipios”.
Pola súa parte Suárez trasladou ao Patrón e á Deputada o compromiso da
corporación municipal proposto polo BNG para que se inste á Xunta a facer
un Plan Integral de Cunca para o Río Tambre que “debera de localizar os
puntos de vertido máis conflitivos para actuar canto antes na calidade
dunhas augas que tras o paso por máis de 20 municipios rematan
desembocando na ría do municipio noiés”.

A deputada do BNG Rosana Pérez e o patrón maior Santiago Cruz