En Boiro a Policía Local sancionou esta fin de semana a oito persoas polo uso indebido de máscara

17 Agosto 2020

A Policía Local de Boiro interpuxo esta fin de semana un total de 8
denuncias a cidadáns que non estaban facendo uso da máscara de protección, non estaban en ningún dos supostos que exime do seu uso e tampouco cumprían coa distancia mínima de seguridade. Estas novas sancións súmanse ás 10 que os axentes tramitaron desde que se decretou o uso obrigatorio de máscara.
Os axentes están intensificando os controis e tamén a información á
cidadanía sobre as medidas de carácter obrigatorio co obxectivo de reducir os riscos de contaxio pola Covid-19. A Policía Local de Boiro realizou esta fin de semana controis da poboación para garantir o cumprimento das medidas de seguridade sobre todo no relativo a evitar aglomeracións e coidar o cumprimento do uso de máscara.
Os axentes van intensificar a vixilancia no cumprimento das novas medidas entradas en vigor hoxe, como son o horario de peche dos locais de hostalería e restauración, os grupos máximos de persoas… As novas medidas
decretadas pola administración autonómica entraron en vigor a pasada
medianoite e, no municipio, todos os locais e establecementos pecharon sen
incidencias cumprindo coa nova normativa.
Os operarios de Protección Civil continúan tamén seguindo o cronograma de limpezas e desinfeccións dos principais núcleos do municipio e tamén se está intensificar o servizo de limpeza viaria, realizando novas rutas para poder dar maior servizo.

Outros artigos

Publicidade

Revista en papel

Opinión

“El Estado soy yo”. Manuel Dominguez

“El Estado soy yo”. Manuel Dominguez

 Es una frase apócrifa que Luis XIV de Francia habría pronunciado el 13 de abril de 1655 ante el Parlamento de París, a los dieciséis años de edad No obstante, tal frase no consta en las actas de las reuniones del Parlement, por lo que se duda que tal anécdota...