A Real e Ilustre Cofradía da Dorna, organizadora das festividades do mesmo nome en Ribeira, vén de informar de que xa está dispoñíbel nas librarías do concello o libro Os Bolechas na Festa da Ribeira, unha nova entrega da popular familia de persoeiros creados por Pepe Carreiro adicada ás ditas celebracións e á cultura mariñeira local, no que se pretende, segundo reflicte a entidade, “acheghar aos nenos o espírito desta selebrasión, ao tempo que queremos poñer en valor as embarcasións tradisionais e a cultura mariñeira”.
Segundo informar a confraría, as aventuras dorneiras dos Bolechas están xa dispoñíbeis nos seguintes puntos de venda físicos de Ribeira:
– Librería Nobel (RUA MENDIÑO 1)
– Librería Mirás (ROSALIA DE CASTRO 7)
– Librería Arigato (RUA SANTA UXIA 12)
– Librería Master (RUA GALICIA 20)
Para formalizar a compra online, pódese facer na web da festa da Dorna.
