Os socialistas de Noia piden que se arranxen de urxencia os deterioros da ruta do río Tambre

28 Xullo 2020

O Grupo Municipal Socialista de Noia vén de emitir un comunicado no que pon de manifesto o mal estado no que se atopa a ruta de sendeirismo que percorre o río Tambre e a necesidade de amañar algúns dos seus principais sinais de deterioro. Segundo indica a agrupación, estas eivas de mantemento son notorias nas varandas da ponte colgante sobre o río ou nos carteis explicativos do roteiro, que é, segundo indican, “un lugar moi concorrido por residentes e visitantes nestas datas de calor” e que, por mor do mal estado que presentan os seus elementos, “producen unha impresión de desleixo absoluto”.

Os socialistas poñen o foco tamén no deterioro das pasarelas de madeira feitas no seu día polo

Concello e que “actualmente achegan risco de accidente, estando as táboas de madeira soltas, rotas e incluso nalgún caso as propias varandas xa caeron”, indican, engadindo que van solicitar no pleno deste 30 de xullo que o Concello realice o mantemento axeitado para que as instalacións municipais no río Tambre “deixen de ser un lugar perigoso, en lugar de que poidan ser espazos para desfrutar da natureza”.

A agrupación lembra que no mes de febreiro presentou, polos mesmos motivos, unha moción para mellorar a contorna de San Lázaro e as pasarelas de madeira igual de deterioradas, un deterioro que, segundo indican, é extensíbel ao paseo Marítimo.

Outros artigos

O Noia Portus Apostoli, tricampión da Copa Galicia de fútbol sala

Tricampión de Galicia. O Noia Portus Apostoli volveu coroarse este 17 de maio, Día das Letras, como o auténtico rei de Galicia tras proclamarse campión da Copa Galicia por terceiro ano consecutivo. O bloque noiés, o noso único representante na máxima categoría do...

+

Aviso en Noia dunha posíbel contaminación da auga para consumo

O Concello de Noia emitiu un comunicado no que advirte á veciñanza dun episodio de posíbel contaminación da auga para consumo doméstico que faría necesario, até novo aviso, o uso de recursos alternativos para que as familias se abastezan. Ao parecer, o episodio tería...

+

Publicidade

Revista en papel

Opinión

“No cárcere” – Xulio Xiz

“No cárcere” – Xulio Xiz

Como membro dunha sociedade democrática, con poderes básicos, forzas executoras, leis que marcan reglas de xogo, presunta igualdade de oportunidades e plena integración en Europa, calquera de nós corre perigo de pechar os ollos e coidar que vive nun mundo camiño da...