O PPBI (Grupo Municipal Partido Barbanza Indepediente) presenta unha moción o pleno da corporación municipal de Ribeira, para que se instale e se poñan en funcionamento semáforos cun sistema que permita regular o tráfico rodado no cruzamento da estrada xeral entre Castiñeiras e Aguiño, á altura da Rúa Listres, na confluencia coas rúas Castelao e Vionta, xunto o bar Victoria.
Segundo os independentes hai algo máis de seis anos se anunciaron por parte do Executivo local de Ribeira as medidas que planeaba para mellorar a seguridade do cruce, despois de que na Rúa Vionta se estableceu a dirección única e se eliminou o punto negro que supoñía a incorporación de vehículos desde a mesma cara a Rúa Listres, quedando pendiente de acabar co problema da incorporación dos vehículos desde a Rúa Castelao.
A solución que se elixiu entón foi a de instalar de semáforos coa finalidade de que, aínda que sexa a estrada xeral a que teña prioridade de paso por ser a que rexistra un maior volume de tráfico rodado, inclúan un sistema que detecte a presenza de vehículos na saída do vial que leva o nome do ilustre escritor rianxeiro e se poida abrir o disco verde para eles.
O PBBI na súa moción o pleno municipal pide que se complete esa actuación con outras medidas que contribúan a dotar de maior seguridade a esa intersección, como alargar un tramo de beirarrúa que hai xunto a carnicería e charcutería e recolocar un grupo de contedores que hai xunto un paso de peóns na estrada xeral e que dificultan a visibilidad.
