No Son segue a busca dos dous mozos desaparecidos tras envorcar a piragua coa que navegaban

07 Xullo 2020

Efectivos de Salvamento Marítimo traballaron durante toda a noite na procura dos dous mozos desaparecidos desde onte tras envorcar a piragua coa que navegaban.

Cómpre sinalar que eran tres amigos os que navegaban en dita embarcación, dos mozos e unha moza, dos cales, a moza puido ser rescatada por un helicóptero de Salvamento que a trasladou ata o Aeroporto de Santiago de Compostela para ser derivada polo persoal sanitario ao Hospital Clínico Universitario da mesma cidade.

Todo sucedeu ao fío das 21:30 horas da pasada noite. A esa hora, un particular comunicaba ao 112 Galicia desde a Praia de Coira, en Portosín,  que facía tres horas que tres mozos saíran a navegar cunha canoa e non volveran.  

De inmediato, os xestores de emerxencias puxeron os feitos en coñecemento do persoal de Salvamento Marítimo e do Servizo de Gardacostas de Galicia, que decontado desprazaron  medios cara a zona. Do mesmo xeito, desde o 112 Galicia informouse da situación aos servizos sanitarios, Garda Civil, Policía Local  e aos efectivos de Protección Civil da localidade.

Posto en marcha o dispositivo de salvamento, minutos mais tarde, persoal de Salvamento comunicou ao 112 Galicia que unha das súas aeronaves que sobrevoaba a zona visualizara a embarcación envorcada entre as praias de Cabeiro e a da Aguieira. De feito, a moza puido ser rescatada pero os mozos perdéranse de vista. Por iso, desde ese momento, varias embarcacións tanto particulares como de Salvamento, do Servizo de Gardacostas, Cruz Vermella e as aeronaves traballan arreo na procura dos dous mozos desaparecidos. Tamén, desde o 112 Galicia solicitouse a colaboración do persoal do Grupo de Intervención Psicolóxica en Catástrofes e Emerxencias (GIPCE), para prestar apoio aos familiares das vítimas.

Segundo se lle comunicou ao 112 Galicia, os rapaces trataban de chegar á Illa de Creba, perderon un remo da embarcación e un deles tirouse á auga para recupéralo pero xa non puido volver. A corrente arrastrounos e provocou que a piragua quedase totalmente envorcada.

Nestes intres, xa se atopa por aire un helicóptero sobrevoando a zona, por mar dúas embarcacións e por terra, sumáronse ao dispositivo os membros do GES de Muros que tamén se desprazaron coa súa embarcación.

Outros artigos

O Noia Portus Apostoli, tricampión da Copa Galicia de fútbol sala

Tricampión de Galicia. O Noia Portus Apostoli volveu coroarse este 17 de maio, Día das Letras, como o auténtico rei de Galicia tras proclamarse campión da Copa Galicia por terceiro ano consecutivo. O bloque noiés, o noso único representante na máxima categoría do...

+

Aviso en Noia dunha posíbel contaminación da auga para consumo

O Concello de Noia emitiu un comunicado no que advirte á veciñanza dun episodio de posíbel contaminación da auga para consumo doméstico que faría necesario, até novo aviso, o uso de recursos alternativos para que as familias se abastezan. Ao parecer, o episodio tería...

+

Porto do Son celebra as Letras Galegas con música tradicional

O Concello de Porto do Son vai celebrar con música tradicional o Día das Letras Galegas, este 17 de maio, adicado á poeta coruñesa Luísa Villalta. Así, ademais das mancheas de actividades conmemorativas que se están a desenvolver estes días nos centros educativos do...

+

Publicidade

Revista en papel

Opinión

“O Barbanza: Cinco anos de xornalismo independente”

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...