A Garda Civil detivo a un individuo tras supostamente, entrar nun turismo estacionado na praia de Baroña. Por mor deste arresto, os axentes do posto de Porto do Son abriron unha investigación para determinar se este home podería estar detrás doutros sucesos similares ocorridos nas últimas semanas. As pescudas realizadas permitiron comprobar que o detido tamén entrara a roubar en vehículos aparcados nos areais da As Gaivotas, Aguieira, Os Castros e Broña, en Outes. Ao parecer, o ladrón sempre utilizaba o mesmo procedemento.
Elexía estacionamentos masificados e sen vixilancia e, coa axuda dunha pedra, fracturaba o cristal triangular da parte traseira dos vehículos para acceder ao maleteiro e levar todo o de valor que houbese. Trala súa detención recuperouse gran parte dos obxectos subtraídos, que foron devoltos aos seus propietarios. A colaboración cidadá foi fundamental para conseguir deter este veciño de Noia. o roubado ascedene a 1.500 euros en efectivo e diversos equipamentos.
