O concelleiro de Promoción e Dinamización Económica e Relacións Institucionais do Concello de Ribeira, Ramón Doval, visitou as instalacións de Conserveros Reunidos SL (Conresa) en Couso a propósito do inminente inicio dun importante plan de investimentos por parte desta empresa encamiñados a mellorar o aproveitamento enerxético e impacto medioambiental na súa contorna: un plan que inclúe unha actualización dos procesos produtivos coa incorporación das mellores técnicas dispoñibles para o tratamento deste tipo de emisións
Doval foi recibido polo director xeral de Conresa, Roberto Fernández, quen lle explicou que con estas actuacións a empresa estará en condicións non só de seguir cumprindo coa lexislación actual, senón de anticiparse en varios anos ás estritas normativas que entrarán en vigor durante o próximo lustro, coa nova revisión comunitaria do Sistema de Prevención e Control Integrado da Contaminación industrial que está en fase de elaboración -mediante os documentos BREF- nos distintos estados membros.
Economía circular “Somos una empresa fuertemente integrada en la comarca, totalmente vinculada a la economía circular e imprescindible para el mantenimiento del sector industrial relacionado con el mar y la
conserva”, manifestou Fernández, quen engadiu que “el cuidado del
entorno forma parte de nuestra existencia, por lo que nos seguiremos esforzando en implantar las mejores tecnologías disponibles en cada momento”.
Neste senso, a primeira actuación será inminente e irá encamiñada a reducir olores, cun investimento de máis dun millón de euros, o que vai permitir implantar un sistema de última xeración RTO (Regenerative Thermal Oxidiser). Trátase dunha instalación consistente en aspirar os vahos producidos pola fábrica e tratalos a máis de 900 graos, eliminando as partículas causantes de posibles malos olores.
O prazo estimado para a súa posta en funcionamento é marzo de 2021.
Morre un home de oitenta anos nun accidente de tractor en Oleiros- Ribeira
Un home faleceu este martes nun accidente de tractor ocorrido en Ribeira, na parroquia de San Martiño de Oleiros, informa o servizo de emerxencias 112 Galicia. Trátase dun home de 85 anos, José Cadórniga Cadórniga, que faleceu este mediodía no...